Text-Ausschnitt aus: "Als ob Du in Wahrheit König wärst"

1. Hirt
Händ er eigentli au scho drüber naadänkt, wie’s wär, wänn’s ä kei wildi Tier gäbti? Ich meine: Wänn öisi Schaf nie meh vor dä Wölf Angscht ha müesstid.

2. Hirt
Du meinsch, wänn d’Wölf und d’Lämmer mitenand in Fride läbe würdid?

3. Hirt
Jaa, Fride . . . Wölf und Schaaf fridlich binenand. D’ Mänsche uf de Äärde fridlich binenand, alli Nachbere fridlich binenand, alli Familie fridlich binenand, alli Papis und Mamis fridlich binenand.

4. Hirt
Mängisch – wänn ich so zum Himmel luege – und d’ Wulche und d’ Schtärne und de Mond gsee, alli so harmonisch binenand, dänn dänk ich mir, dass es doch möglich sii müessti, in Fride z’ läbe.